Sayt uchun qaysi hosting yaxshi?

admin 27.06.2020 0 Izohlar

Sayt yaratilgandan so’ng, domen sotib olinib hostingga joylashtiriladi. Hosting – bu veb-sayt fayllari joylashtiriladigan joy. Magazin bilan taqqoslaydigan bo’lsak, hosting bu magazin joylashgan bino xonasi. Hostingda joy kvatrat metrda emas, megabayt yoki gigabaytlarda o’lchanadi.

Hosting tekin va pullik bo’lishi mumkin. Pullik hosting sifatli ishlaydi, keng imkoniyatlarga ega, quvvati yuqori, veb – sayt muntazam ishlashini ta’minlaydi. Bepul hostinglar imkoniyati chegaralangan, bugun ishlab turib, ertaga ishlamay qolishi mumkin.

Jiddiy veb loyiha albatta pullik hostingga joylashtirilishi kerak.

Sayt yaratishda buyurtma bergan mijozlarimizning deyarli hammasida “Qaysi hostingni tanlagan ma’qul?” degan savol tug’iladi.

Hozirgi vaqtda juda ko’plab hosting mavjud, chindan ham qaysi hostingni tanlagan ma’qul?

Hosting tanlashda uning narxi, sifati e’tiborga olinadi. Odatda biz mijozlarimizga 2 ta variantdan birini tanlashni maslahat beramiz:

O’zbekistonda joylashgan hosting;
Chet elda joylashgan hosting.

1 – O’zbekistonda joylashgan hosting.

O’zbekistonda juda ko’plab hosting korxonalari faoliyat olib boradi. O’rtacha hosting narxi 1GB lik yiliga 360 000 so’m turadi. Biz bir necha hosting provayderlar bilan ishlab ko’rganmiz. Sifati bo’yicha Ahost kompaniyasi yaxshiroq. Uz domenini ham shu kompaniyadan olganingiz ma’qul. Narxi: 17 000 so’m.

2 – Chet elda joylashgan hosting.

Xorijda albatta juda ko’plab hosting kompaniyalari mavjud bo’lib, ular orasida aynan mana bu hosting kompaniya yaxshi deyish qiyin. Lekin biz doim ishlaydigan, ishlash davomida hizmat ko’rsatish sifatiga amin bo’lgan kompaniyani ayta olamiz. Bu reg.ru portalidir.

Narxi: 13 GB lik yiliga taxminan 400 000 so’m turadi.

Bularni bir biri bilan solishtirib ko’ramiz. O’zingiz qulay variantni tanlashingiz mumkin.

1) O’zbekistondan hosting olish:

Afzalliklari:

To’lov istalgan usulda, pul o’tkazish orqali ham to’lov qilsa bo’ladi.

Hosting O’zbekistonda joylashgan, Tas-IXdan foydalanuvchilar yuqori tezlikda saytdan foydalanishlari mumkin.

Kamchiligi:

Xizmat ko’rsatish sifati pastroq;

Narxi baland.

2) Chet eldan hosting olish:

Afzalliklari:

Sifati yaxshi, tex podderjka hamisha yordamga shay turadi;

Narxlar arzon – deyarli 13 barobarga

Kamchiligi:

To’lovlar valyuta kartalari orqali, yandex dengi orqali amalga oshiriladi. Pul o’tkazish yo’li bilan to’lov qilib bo’lmaydi;

Saytingiz Tas-IX da bo’lmaydi.

Reg.ru dagi kamchiliklarni qaraydigan bo’lsak, hozirgi kunda Click.uz bot orqali Yandex dengiga pul o’tkazish imkoniyati mavjud. Ya’ni, siz Uzcard kartangizdagi pulni Yandex dengi hisobiga o’tkazib rublda to’lovni amalga oshirishingiz mumkin.

Tas-IX bo’yicha – O’zbekistondagi asosiy foydalanuvchilar mobil telefonlar orqali saytga kirishadi. Shuning bilan birga hozir juda ko’pchilik limitsiz tarifdagi internet paketlariga ulanishgan.

Reg.ru yana bir afzallik tomoni u o’z mijozlariga pul ishlash imkoni beradi. Bu haqda reg.ru saytidan batafsil ma’lumot olishingiz mumkin.

Quyidagi promokod orqali reg.ru dan 5% lik chegirmaga ega bo’ling;