Google reklamaga to’lov qildingiz. Buyurtmalar tushayapti, mijozlar telefon qilayapti. To’satdan siz Google dagi reklamangiz qanday ko’rinishini tekshirib ko’rmoqchi bo’ldingiz. Google kalit so’zlardan birini kiritdingiz va … reklamangiz chiqmadi!

Tanish holatmi?

Nega bunday bo’lganini tushuntiraman.

Google reklamaning kalit so’z bo’yicha chiqmasligiga bir necha sabablarni ko’rib chiqamiz.

Kunlik byudjet tugadi

Kunlik byudjet tugadimi, demak reklama ko’rsatmaydi. Kun bo’yi reklamangiz chiqishi istasangiz yetarli miqdorda to’lov qilib qo’ying.

E’lon moderatsiyadan o’tmagan

Ba’zi bir sabablarga ko’ra Google tomonidan e’lon ta’qiqlanishi mumkin. Va buning sababi Google kabinetida ko’rsatiladi. Yana bir sabab e’longa o’zgarish kiritdingiz. Avtomatik ravishda e’lon moderatsiya yuboriladi. Moderatsiya bir necha soat vaqt oladi.

E’lon past reytingga ega

E’lonlar auksion tarzida ko’rsatiladi. Bunda kunlik buyudjet va e’lon sifati e’tiborga olinadi. Kimning e’loni sifatli va byudjeti ko’p bo’lsa, shu e’lon birinchi sahifada ko’rsatiladi. E’lon qancha ko’p klik to’plasa reytinggi shuncha yuqori bo’ladi.

Masalan: bitta e’lon har kun yoqiladi va umumiy kliklar soni 5000 ta. Ikkinchi e’lon har hafta bir marta yoqiladi va kliklar soni 100 ta. Albatta birinchi e’lonning reytinggi 2-e’lonning reytinggidan baland.

E’lon jadvali noto’g’ri sozlangan

E’lon jadvalida qaysi kunlar, soat nechadan nechagacha e’lon ko’rsatilishi belgilanadi. Masalan: shanba kun soat 22:00 gacha ko’rsatish belgilangan. Siz esa shanba kun soat 22:30 google kirib tekshirayapsiz.

Albatta, bu vaqtda e’lon ko’rsatmaydi.

Reklamani ko’p marta ko’rmoqchi bo’ldingiz

Google reklama qanday ishlaydi: siz ko’pincha nimadir izlaysiz, reklamani ko’rasiz, lekin reklamani bosmaysiz. Google sizga bu kalit so’z qiziq emas, sizga reklamani ko’rsatishdan ma’no yo’q degan qarorga keladi va boshqa sizga reklamani ko’rsatmaydi.

O’z reklamangizni Google dan izlaganingizda nima bo’ladi?

Oldin aytilganidek kalit so’zni ko’p izlaganingizda Google reklamani sizga ko’rsatishni bas qiladi. Ammo – bu hammasi emas.

Agar siz reklamangizni bossangiz, lekin saytgan kirib shunchaki chiqib ketsangiz –  Google sizni qoniqmagan mijoz deb hisoblaydi. Bu esa reklamaga yomon ta’sir qiladi.